Mirvari necə yaranır?

Balıqqulağı və malyuskanın çanağına kənar cism (qum zərrəsi, parazitlər və s.) düşdükdə onlar xüsusi maddə ifraz edərək düşən cismin ətrafında nazik təbəqə yaradırlar. Müəyyən müddətdən sonra bu, mirvari dənələrinə cevrilir. Sədəf adlanan bu maddə mirvari aqreqatı və buynuz maddəsindən ibarətdir.

Mirvarinin növləri

Mirvari şirin su və dəniz mirvarilərinə ayrılır. Yaranma mexanizmi hər ikisində eynidir. Təbii mirvariyə son zamanlar nadir rast gəlinir.

Süni yolla da kənar cismi molyuskanın çanağına yerləşdirməklə 2 ildən 7 ilə kimi mirvari əldə edirlər. Süni mirvari ən çox Çində istehsal edilir. Qırmızı dəniz, Yapon adaları, Şri-Lanka, Fars körfəzində də mirvari yetişdirirlər.